Ba mhaith le TFI Local Link Galway, an soláthraí seirbhíse iompair tuaithe, úsáideoirí Bealach 432 An Cheathrú Rua go dtí an Clochán a chur ar an eolas go mbeidh dhá athrú ag cur isteach ar an tseirbhís ón Luan, 28 Lúnasa 2023.
Is i gCasla atá an chéad athrú, áit a mbogfar stad an bhus ón láthair reatha ag Crois Raidió na Gaeltachta go dtí an láthair nua ag Ceimiceoir Chasla. Tá an t-athrú mar gheall ar shábháilteacht na bpaisinéirí agus na foirne, toisc go bhfuil guais tráchta agus saincheist infheictheachta ag baint leis an suíomh reatha.
Is i Ros Muc, i gCill Chiaráin agus i gCarna atá an dara hathrú, áit a mbeidh mionathruithe ar sceideal na seirbhíse chun éifeachtúlacht agus iontaofacht na seirbhíse a fheabhsú. Beidh an t-amchlár nuashonraithe le fáil ar shuíomh gréasáin TFI Local Link Galway ag: : https://www.locallinkgalway.ie/dynamic-timetables/route-432---carraroe-to-clifden
Tá leithscéal gafa ag TFI Local Link Galway as aon deacrachtaí a d'fhéadfadh na hathruithe seo a chruthú d'úsáideoirí rialta na seirbhíse agus iarrann siad a dtuiscint agus a gcomhoibriú. Le haghaidh aon cheisteanna nó aiseolas faoi na hathruithe, is féidir leat teagmháil a dhéanamh leo ar an nguthán ag 091 842384 nó trí ríomhphost ag galway@locallink.ie
